_24 وَأَمَّا السَّفِينَةُ فَكَانَتْ قَدْ صَارَتْ فِي وَسْطِ الْبَحْرِ مُعَذَّبَةً مِنَ الأَمْوَاجِ. لأَنَّ الرِّيحَ كَانَتْ مُضَادَّةً.
25 وَفِي الْهَزِيعِ الرَّابعِ مِنَ اللَّيْلِ مَضَى إِلَيْهِمْ يَسُوعُ مَاشِيًا عَلَى الْبَحْرِ.
26 فَلَمَّا أَبْصَرَهُ التَّلاَمِيذُ مَاشِيًا عَلَى الْبَحْرِ اضْطَرَبُوا قَائِلِينَ: «إِنَّهُ خَيَالٌ». وَمِنَ الْخَوْفِ صَرَخُوا!27 فَلِلْوَقْتِ كَلَّمَهُمْ يَسُوعُ قِائِلاً: «تَشَجَّعُوا! أَنَا هُوَ. لاَ تَخَافُوا».
_كتير مننا لما بيجي علينا اوقات نحس اننا خلاص فاض بينا وجبنا آخرنا من كل حاجة حوالينا, سواء اضطهادات, او ازمات نفسية , او مشاكل مع اللي حوالينا, أو سماع كلام سلبي علينا وتصديق الكلام دة علي نفسنا .
بيجي وقت بتحس أنك في كل مكان تلروح اليه , الابواب بتتسد قدامك, واحباط وفقدان الامل.
هو دة اللي قال عنه الكتاب ان السَّفِينَةُ فَكَانَتْ قَدْ صَارَتْ فِي وَسْطِ الْبَحْرِ مُعَذَّبَةً مِنَ الأَمْوَاجِ. والامواج دي هي المحاربات , هي فقدان الامل ,هي اليأس .
_لكن لما يجي وقت وتقول خلاص انا تعبت ومش قادر\ة يارب اكمل ونفذت قوتي حالا هاتلاقي الرب جاي في الهزيع الرابع , في آخر الوقت اللي حسيت انك نفذت كل طاقتك فيه ويجي سريعا ينقذك وَفِي الْهَزِيعِ الرَّابعِ مِنَ اللَّيْلِ مَضَى إِلَيْهِمْ يَسُوعُ مَاشِيًا عَلَى الْبَحْرِ. ويقولنا «تَشَجَّعُوا! أَنَا هُوَ. لاَ تَخَافُوا»
ممكن تكون فكرت ان الرب خلاص نسينا ونكون فقدت الامل وايمانك قل بالرب , لكن يجي في آخر الفرصة ويعلن مجده ويقولنا لا تخافوا تشجعوا, انا لسه فاكركم وانت مازلتم علي بالي.
الله عايز يشوف مدي قوة ايماننا وطول اناتنا, ويجي الرب ويمد ايديه لينا بالرغم اننا كتير مابنشك في مدي قدرة الرب وثقتنا فيه, ورغم دة كله بعد مايمد ايديه لينا علشان ينقذنا من اللي احنا فيه بنشك فيه اذا كان هو الرب ام لا زي بطرس لما عمل كدة وقال له«يَا سَيِّدُ، إِنْ كُنْتَ أَنْتَ هُوَ، فَمُرْني أَنْ آتِيَ إِلَيْكَ عَلَى الْمَاءِ)
_الرب بيكون عنيه علينا واحنا كتير لما بيكون ايماننا قليل وبننظر للي حوالينا وبسبب خوفنا بنلاقي نفسنا ابتدينا نغرق وبنصرخ للرب , لكن ليه مانكنش حاطين عنينا عالرب.
لكن الرب بيقولك لاَ تَخَفْ لأَنِّي مَعَكَ. لاَ تَتَلَفَّتْ لأَنِّي إِلهُكَ .سفر إشعياء 41 :10
_بطرس لو كان نظر للرب ومشي اليه من غير ماينظر للعالم حوله وصدق في الرب , لما كان ابتدأ في الغرق.
كن عندك ثقة في الرب للنهاية وَلَمَّا دَخَلاَ السَّفِينَةَ سَكَنَتِ الرِّيحُ.
صدق كلام الرب , ولا تصدق كلام ابليس علي حياتك, لاتجعل خوفك يحجب رؤيتك عن الرب اللي مادد لك ايديه ,لكن انتظر الرب الذي لا يخزي منتظريه.وَأَمَّا مُنْتَظِرُو الرَّبِّ فَيُجَدِّدُونَ قُوَّةً. يَرْفَعُونَ أَجْنِحَةً كَالنُّسُورِ. يَرْكُضُونَ وَلاَ يَتْعَبُونَ. يَمْشُونَ وَلاَ يُعْيُونَ سفر إشعياء 40: 31
آمين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.